今日番p.......好嬲好炆好頹好沮喪好想喊......咩都有齊
硬係就係無「開心」呢兩個字......><

我終於明白.....「啞子吃黃蓮    有苦自己知」呢句點解.....
今日呢個sister.....我極之唔仲意佢
我足足俾佢跣左兩鑊, 罵左一鑊, 屈左一鑊.......

呢兩鑊跣得應一應...一開波就叫我跟一個臭脾氣既醫生...佢同個阿伯做lumbar punture...明知一個姑娘仔唔夠力扶住肥阿伯....又唔叫係出邊咩都唔做既男護.....個醫生抽唔到又嚮度賴我....佢知我點都幫唔到佢唯有自己走去叫個男護....諗住escape番出黎就咩事都無....但呢個sister見我番左呢度四日工竟然「好」人到叫我自己一個帶阿a既case去手術室.....再帶阿b去第二個ward.....兩個cases我都未睇過牌板....點知佢地咩事要做手術有d咩特別野喎.....阿a個case有個miss講佢咩情況但又交唔足搞到我俾手術室d姑娘問到口啞啞.....而呢個sister仲衰咩都唔講就俾阿b d資料我.....d簡寫我又唔識你又唔解....我講咩喎.....咩都唔講就叫我去......你要我交d咩更俾人呀......送阿b去第二個ward......個度d姑娘想罵我咁滯......個度個經理問我讀第幾年......我坦白同佢講我黎左呢個ward得四日咩都唔識又第一次帶case......佢仲要講一句「叫你一個帶case仲要唔講俾你聽擺明想你係度俾我地罵啦」.....佢講呢句我個下對眼有d濕真係好想喊出黎......咁樣俾人跣法真係好嬲好唔開心......

番到去頹左一陣諗住去幫病人量血壓....點知有個病人個阿媽又要我幫佢個仔抽痰又做呢樣做個樣....幫得呢個病人其他病人d血壓諗住叫個廣東黎既護士幫手做埋......點知佢應完我做都唔做......又唔同我或者其他人講邊d人未量.....搞到成條街d血壓漏做.....所有人即刻補做番.....咁就搞到個個俾sister罵.......簡直有冤無路訴......

罵完補做番都算......d家人d要求又要我地fulfill哂......做得黎已經7:28.....臨收工呢兩分鐘仲要叫我地量番某十個d血壓先准走.....仲要幫某d病人測血糖甚至洗埋傷口先走得......谷住啖氣做....最後有個姑娘見我地仲未走話可以幫我地跟埋d手尾先俾我地7:45走.....如果唔係真係唔知做到幾點囉........

我最嬲係我個同學因為星期六要補考一科.....無啦啦決定詐病請假....又話搵我商量d事點知就係要我幫佢同sister講.....之前試過一次搞到俾d姑娘噴到一面屁.....而家又要我食隻死貓......死都唔做....好心勸佢自己打....又話唔知個個ward個電話....打唔到.....好心委屈自己同佢私底下調更....等佢第二日番完A可以有多d時間溫書.....又話番都唔想番.......以為佢而家好努力咁係宿舍溫書.....點知出左去同人食飯囉!!!!!邊有人咁自私架!!!!!個下真係好嬲!!!!好想罵佢架!!!!但見其他同學係附近.....到最後忍住氣同佢講叫佢自己打......今日食左咁多隻死貓.....對住呢d自私既人.....我死都唔會幫佢講呀!!!!

谷住咁多冤氣......番屋企個陣好想搵人講.....好想喊出黎宣洩下......但見大庭廣眾......又谷住谷住.....突然間好想打俾一個人.....但又無佢電話......番到屋企同三哥哥講......個下爆哂出黎.....但佢淨係講話做野係咁.....又叫我理性d......話咁樣係俾我學野.....呢d野鬼唔知咩......我係地鐵度猛咁同自己講叫自己唔好咁唔開心.....同自己講經一事長一智.....我唔係怪我哥哥.....但我都係人.....我都有情緒......成日谷住啖氣都只係想搵人俾我講下宣洩....而唔係要聽道理呀......聽完佢講我個下又眼濕濕.....但因為食飯驚嚇親佢地......到最後又要吞多一啖氣.......今日真係好辛苦.......T^T

係facebook copy出黎, 覺得幾有意思, 雖然唔知係咪真=]

女孩子的出生日期.... 原來這樣

一、進取型 (生日日期︰ 1,5,8,10,14,15,17,23,25)性格解構：
進取型的女子，大致上有以下的共通點：
具有無比的獨立精神，酷愛自由討厭受束縛。
頭腦清晰，腦筋轉得快，是個解決棘手問題的高手。
喜歡追求刺激，甘於冒險，只要下定決心，就會排除萬難達成目標。
意志力強以及挑戰心旺盛，從不服輸。
不過，較易遇上一大問題：朋友雖然多，但敵人也多。
有時又會出現大膽行為，令身邊的人大吃一驚，甚至會影響大局。
建議：你不妨約她去郊外走走騎騎腳踏車，放風箏，或者玩刺激的活動。

二、實幹型 (生日日期︰ 4,6,13,16,22,24,26,28,31)性格解構：
這類型的女子通常都較為溫和穩重，腳踏實地。
由於冷靜謹慎，所以更細微的環節她都能夠兼顧得到。
誠實認真，責任心強，處理事情極有條理，自然容易贏得別人信任。
耐力韌性也一樣驚人，富有戰勝重重困難的莫大力量。
無疑的她不論對待任何人，都能夠表現得親切大方，
但偶然間的太過自我中心，會令她無法與其他人協調。
其實，她輕易受到別人的影響本來是個優點，
但過分堅持自己的一套做法，就會變得固執。
建議：想吸引她注意，你適宜穿得穩重，襯衫西褲最穩當。
由於她對任何細微的環節都察覺得到，所以你對她亦要表現出特別細心，
向她坦誠，就肯定會贏得信任。

三、浪漫型 (生日日期︰ 2,7,9,11,18,20,27,29)性格解構：
簡單地講，她的個性不但溫婉浪漫，感情豐富，更是多愁善感。
而且為人十分敏感，懂得察顏觀色，很善解人意。此外，也熱愛和平。
她的小缺點就是容易為一點小事而受傷害。
又因太過自我中心而缺乏與周圍協調的能力。
感情用事亦是其中一個小毛病，往往會因此而影響大局。
此外，運氣雖然不錯，但如果過於任性，或者會碰上意想不到的挫折。
建議：看星星、到海邊走走，或者送本愛情小說給她都不錯。
記得準備紙巾，隨時準備借個肩膀給她。
也要記住，她心靈有點脆弱，你要小心說話，以免講多錯多。

四、才華型 (生日日期︰ 3,12,19,30)性格解構：
你要記住，這類型的女孩子大多數都充滿藝術天分或者語言天分，
亦具有高貴的氣質。她對任何人和事也抱有興趣，
喜歡提出許多疑問，故知識非常豐富。還有她的想像力十分強。
即使性情令人難以捉摸，不過基本上都是屬於受歡迎的類型。
但有時又容易沉醉於玩樂而缺乏責任感。
建議：你最好先熟讀一些關於藝術方面的資料，方便與她聊聊。
學一兩句外語也無妨。別把自己裝扮的太俗氣，避免令她反感。
只要你有多方面的知識，或者是某方面的專家，就很容易獲得她的青睞。

五、開朗型 (生日日期︰ 21)性格解構：
特別開朗，時刻散發住朝氣活力，不論去到哪裡，
都會受歡迎，成為眾人焦點，是個百分百人氣王。
另外，她凡事往好處去想，是個非常樂天的女孩。
既然是人氣王，自然容易招人嫉妒，易惹是非，遭人說閒話。
本來凡事往好處去想，這種樂天的性格很好，但這樣可能會稍為欠缺危機感，將眼前的問題看的過於簡單並不好。
建議：千萬別出現文弱書生的模樣，應該要穿得陽剛又有朝氣一點。
有時稍為充當她的軍師，提醒她抹些事情可能遇到的危機，
需要小心，她會感激在心的。

睇黎男孩子要得到某位女孩子既芳心, 參考完之後都要加把勁啦!!~

唔知點解
有個衝動想打xanga

今日第三日番E8, neurosurgical ward
星期一番既時候, 有d驚
驚好似E5 admission ward咁有好差既感覺

直至現時為止, 我覺得呢度....幾好=]
好在....
有個好ward man.....
好爽既sister同搞笑既爺爺
好nice既阿sir miss(唔計讀緊專科而家個placement個d)
仲有....well....呢個岩岩畢業的

今日part佢, 一聽就知佢岩岩畢業, 係poly人
個樣好細個咁, 左耳又唔知做乜釘左粒鑽石耳環....但做起野上黎....
佢真係好nice, 唔多出聲(我覺得佢怕羞)
佢真係默默耕耘型
但就好急, 試過話佢.....佢竟然......傻笑

part住佢, 個人做起野上黎都積極哂, 都幾開心架~
唔止開心, 仲鑊鑊新鮮鑊鑊金tim
佢竟然.......放心俾我幫個伯伯打針!!!
我自己都無信心.....佢竟然話對我有信心......
但說真的, part住佢個人唔知點解係定d, 無咁驚架!
WELL.........

這裡也真不錯~

 嘩！！出完威爾斯產科啦！！
由產前, 到產房, 至到產後護理
咩都睇過哂~~

係產後個度, 終於可以餵BB飲奶啦!!!!!
見佢地個個成個面粉團咁, 皮膚又滑
KAWAII哩~~ XD

呢個係孖仔之細仔, 好得意架~~~

 
孖仔~~訓緊個個係哥哥~~
因為媽媽係開刀, 佢俾人拎左出黎先, 所以做人阿哥
不過佢比起細佬, 輕d細粒d同埋食好少野....
可能係媽媽肚裡面俾細佬搶哂野食啦...

哈哈~~~一次過抱哂孖仔~~
佢地好搞野架~~郁d就喊哂口要人抱
仲要輪流喊, 抱完一個另一個就喴=p
好盞鬼~~

今日番最後一日就要告別一個靚B啦
呢個靚B女叫「晴晴」
佢媽咪希望佢將來好有陽光氣息, 開朗活潑
我都希望佢越大越靚女=]

唔知大家有無為自己既BB諗定名哩~~
我覺得幫自己既仔女改名係最傷腦筋, 但就係最偉大既事
「唔怕生壞命, 最怕改錯名」呀嘛
所以我成日都覺得做得阿爸阿媽應該都要有幾分內涵
如果唔係改過一個common或難聽又「了能」甚至勁難寫既名就真係俾仔女怨死一世
所以.......我都幾仲意「陳嘉莉」=]......雖然到而家都未為呢個名諗到一個靚既簽名=.="

總結黎講, 其實做產科都幾開心架~~~
對住d BB真係咩煩惱都無哂~~
見住佢地出世, 見住呢班「小鬼」
真係覺得生命好奇妙架!!!
佢地每一個, 連埋我地每一個
都得來不易 (呢句話係我呢排問阿媽我點出世先體會到)

所以, 真係要表揚每一位好媽媽
各位, 要多d錫下你地既媽媽呀~~~!!!

已經係31/7啦........
人地有得放暑假, 我.......

上年a-level有半年俾我放......
今年得......6日+o+""""
--------------------------------------------------------------------------------
11/8又要實習啦
今次係去沙田威爾斯...產科
有得睇BB出世啦!!!!!!
唔知會有幾多好老公入去陪產呢？
我都曾經諗過︰「如果我第時個老公都會入去陪我生BB就好啦=p」
--------------------------------------------------------------------------------
今日番學校交report
收到消息, 科專學生會有14個過黎讀year 3
有17個做我地year 2既同學仔
咁我地個班咪變做127個人？！
我相信係歷年黎最多人既一年囉........
仲要而家我地個班罕有地無人走........
唔知課室夠唔夠坐=_="

有個同學仲要好串咁講左句︰「課室邊夠大呀, 唔通要坐枱呀？」

有d人覺得咁既安排對我地110個QE學生唔公平
有d人覺得呢17個一定會被我地班杯葛
有d人覺得考左一次試就俾佢地入黎係便宜左佢地
有d人覺得佢地就算入到黎都係包我地底

我自己覺得
佢地都係想第時做護士
點解要分階級咁嚴重？
某程度上, 我地都只係一班入唔到U先入護士學校讀護士既人
我地只係比佢地幸運在我地揀岩左, 唔洗俾人呃學費
點解要咁睇佢地？
--------------------------------------------------------------------------------
呢排身體狀態差左好多
多左好多野要兼顧

「護士學生團契團長」
呢個名, 俾到我好大既壓力
我好想呢一年做好佢
i need support, courage n wisdom......

呢個時候緊想搵個膊頭「埃」下......